मंचर, ता. १० : ‘‘येथील धर्मवीर संभाजी नागरी सहकारी पतसंस्थेने मार्च २०२५ अखेर ६७ कोटी ७८ लाख रुपये ठेवींचा टप्पा पूर्ण केला आहे. मार्चअखेर १.६७ टक्के नेट एनपीए राखण्यात यश मिळाले आहे. तीन कोटी ३६ लाख रुपये ढोबळ नफा झाला आहे. पतसंस्थेची प्रगतीकडे वाटचाल सुरू आहे,’’ अशी माहिती धर्मवीर संभाजी नागरी सहकारी पतसंस्थेचे अध्यक्ष सीताराम लोंढे यांनी दिली.
मंचर (ता. आंबेगाव) येथे पतसंस्थेच्या मुख्य सभागृहात झालेल्या बैठकीत आर्थिक स्थितीचा आढावा लोंढे यांनी सांगितला. या वेळी पतसंस्थेचे उपाध्यक्ष सुनील बाणखेले, ज्येष्ठ संचालक डॉ. मंगेश बाणखेले, पुरुषोत्तम पटेल, सुदाम बेंडे, दिलीप महाजन, मनीष ठक्कर, प्रवण (पप्पू) थोरात, बाबाजी इंदोरे, संदीप अरगडे, अश्विनी शेटे, अनिता निघोट, उपमुख्य कार्यकारी अधिकारी अमित चिखले उपस्थित होते. पतसंस्थेचे मुख्य कार्यकारी अधिकारी अनिल शेवाळे यांनी प्रास्ताविक केले.

२५ वर्षांपूर्वी पतसंस्थेची स्थापना करण्यात आली. सभासदांचा व ठेवीदारांच्या विश्वासावर पतसंस्थेच्या मंचर, कळंब, पेठ, पारगाव तर्फे अवसरी बुद्रुक येथे शाखा आहेत. सर्व शाखा नफ्यात आहेत. संस्थेने ५३. ८८ कोटी रुपयांचे कर्ज वाटप केले आहे. २८ कोटी रुपये इतर बँकेत गुंतवणूक केली आहे. आर्थिक वर्षात बँकेचा मिश्र व्यवसाय १२२ कोटी रुपयांचा झाला आहे. सभासदांसाठी मुदत ठेवीवर १५ महिन्यांकरिता १० टक्के व्याजदराची योजना सुरू केली. जास्तीत जास्त सभासदांनी या योजनेचा लाभ घ्यावा.
-डॉ. मंगेश बाणखेले, ज्येष्ठ संचालक, धर्मवीर संभाजी सहकारी पतसंस्था