मंचर, ता.१४ : सातगाव पठार (ता.आंबेगाव) येथे मंगळवारी (ता.१४) दुपारी एक ते दुपारी अडीच या दरम्यान वादळी वाऱ्यासह मुसळधार पाऊस पडला. यामुळे शेतीचे मोठे नुकसान झाले आहे. आदर्शगाव कुरवंडी (ता.आंबेगाव) येथे गावात, वस्त्यावर, रस्त्यांवर पाणी साठल्याने तळ्याचे स्वरूप आले आहे. वेळ नदीला पूर आला होता.
सातगाव पठार परिसरात कारेगाव, पेठ, थूगाव, भावडी, कोल्हारवाडी आदी गावात पावसाचा जोरदार फटका बसला आहे. रस्त्याच्या कडेला असलेले अनेक झाडे उन्मळून पडली. छताचे पत्रे उडाले आहेत. खरीप हंगामातील बटाटा लागवडीसाठी शेतकऱ्यांनी जमिनी तयार करून ठेवल्या आहेत. पण शेतात व पोल्ट्रीत पाणी शिरले. कोल्हारवाडीचे जयसिंग एरंडे यांचे सात दिवस व बारा दिवसाची कोंबड्यांची पिल्ले मरून पडली आहेत.
काही शेतकऱ्यांच्या शेतामध्ये पाणी शिरल्याने शेतीचे मोठे नुकसान झाले. शेतकरी सुनील गंगाराम तोत्रे (रा.कुरवंडी) यांच्या शेताला शेततळ्याचे स्वरूप प्राप्त झाले होते. त्यांच्यासह बारा शेतकऱ्यांचे शेतीचे बांध वाहून गेले आहेत. अनेक ठिकाणी पाण्यामुळे चर निर्माण झाले आहेत. याभागातील झालेल्या नुकसानीचे पंचनामे प्रशासनाने त्वरित करावी, अशी मागणी अशोक बाजारे व रवींद्र तोत्रे यांनी केली आहे.
13206
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.