मंचर, ता. ८ : ‘‘सद्यःस्थितीत बांधकाम क्षेत्रात निसर्गपूरक साहित्याचा वापर वाढवावा, तसेच ग्रामीण भागातही शाश्वत इमारती उभारण्यासाठी हरित बांधकाम तज्ज्ञ अभियंत्यांचे मार्गदर्शन घ्यावे,’’ असे आवाहन पुणे जिल्हा स्थापत्य अभियंता संघटनेचे संस्थापक अध्यक्ष अभियंता यतीनकुमार हुले यांनी केले.
एकलहरे (ता. आंबेगाव) येथे पुणे जिल्हा स्थापत्य अभियंता संघटनेच्या वतीने ‘हरित बांधकाम’ या विषयावर स्थापत्य अभियंते व वास्तुविशारदांसाठी चर्चासत्राचे आयोजन करण्यात आले होते. यावेळी शाश्वत बांधकाम साहित्य, पर्यावरणपूरक बांधकाम प्रमाणपत्र मिळण्याची प्रक्रिया व त्याचे फायदे याबाबत माहिती देण्यात आली. याप्रसंगी संघटनेचे उपाध्यक्ष अभियंता संतोष वाव्हळ, अभियंता जितेंद्र बागल, अभियंता अविनाश शेटे, महेश शिंदे, वल्लभ रुईकर आदी उपस्थित होते.