माळेगाव, ता. ३ : येथील ढगाईमातानगरमधील केबल व्यावसायिक राहुल ऊर्फ पप्पू नारायण जगताप (वय ४५) यांचा गुरुवारी (ता. २) संध्याकाळी विजेच्या तीव्र धक्क्याने मृत्यू झाला. वादळी पावसामुळे तुटलेली केबल दुरुस्त करताना ही दुर्दैवी घटना घडली.
माळेगाव (ता. बारामती) परिसरात गुरुवारी जोरदार वाऱ्यासह गारांचा पाऊस झाला. यामुळे राजे अमरसिंह कॉलनीतील केबलची वायर तुटली होती. ही वायर दुरुस्त करत असताना अचानक विद्युत प्रवाह उतरल्याने राहुल जगताप यांना विजेचा तीव्र धक्का बसला. त्यांना उपचारासाठी बारामतीला नेत असताना वाटेतच त्यांचा मृत्यू झाला. याप्रकरणी युवराज सदाशिव जेधे यांनी माळेगाव पोलिस ठाण्यात खबर दिली असून, पोलिसांनी अकस्मात मृत्यूची नोंद केली आहे. त्यांच्या पश्‍चात पत्नी, मुलगा, वडील आणि भाऊ असा परिवार आहे.
MAL26B03176