माले, ता. २९ : शिवसेना उद्धव बाळासाहेब ठाकरे पक्षाचे प्रमुख उद्धव बाळासाहेब ठाकरे यांच्या वाढदिवसानिमित्त मुळशी तालुक्यातील विद्यार्थ्यांसाठी शालेय साहित्य वाटपाचा उपक्रम आयोजित करण्यात आला. सेनापती बापट विद्यालय, माले (ता. मुळशी) येथे या उपक्रमाचा प्रारंभ शिव आरोग्य सेनेचे कार्याध्यक्ष डॉ. किशोर ठाणेकर यांच्या हस्ते झाला.
यावेळी ३५० रायटिंग पॅडचे वाटप करण्यात आले. तसेच, संपूर्ण तालुक्यात एकूण चार हजार रायटिंग पॅड विद्यार्थ्यांना देण्यात येणार असल्याची माहिती शिवसेना मुळशी तालुका प्रमुख सचिन खैरे यांनी दिली. विद्यार्थ्यांना शालेय साहित्य मिळाल्यामुळे त्यांच्यात आनंदाचे वातावरण होते.
यावेळी शिव आरोग्य सेना सचिव जितेंद्र सकपाळ, पुणे जिल्हा प्रमुख प्रकाश भेगडे, आरोग्य सेना जिल्हा प्रमुख आबासाहेब शेळके, युवासेना पश्चिम महाराष्ट्र विभागीय सचिव अविनाश बलकवडे, भारतीय विद्यार्थी सेना पुणे जिल्हा संघटक राम गायकवाड, भोर विधानसभा संपर्क समन्वयक कैलास मारणे, युवासेना उपजिल्हाधिकारी अमित कुडले, नागेश साखरे, शिवसेना तालुका संघटक नामदेव टेमघरे, हनुमान सुर्वे, अनिल आधवडे, शिवसहकार सेना तालुका संघटक ज्ञानेश्वर डफळ, उपतालुका प्रमुख अनंता वाशिवले, संतोष आधवडे, विद्यार्थी सेना सरचिटणीस मुकेश लोयरे, प्रशांत जोरी, मंजुश्री ढमाले, सरपंच रंजना जाधव आदी उपस्थित होते.