मोरगाव , ता. ३ : तीर्थक्षेत्र मोरगाव (ता. बारामती) येथे सोमवारी (ता. ४) श्री छत्रपती श्री शिवाजी महाराज ‘महाराजस्व समाधान’ शिबिराचे आयोजन केले आहे. या अभियानाअंतर्गत मोरगाव मंडल अंतर्गत येणाऱ्या सर्व ग्रामस्थांच्या तक्रारीचे जलद निराकरण करण्यासाठी सरकारने विशेष मोहीम हाती घेतली आहे. ग्रामीण भागातील सर्वसामान्य जनता, शेतकरी, विद्यार्थी आणि महिलांचे महसूल विभागाच्या संबंधित दैनंदिन प्रश्नांचे निराकरण करून जनतेच्या तक्रारी निकालात काढणे. तसेच, महसूल प्रशासन अधिक लोकाभिमुख, कार्यक्षम व गतिमान करण्यासाठी मंडलस्तरावर शिबिराचे आयोजन केले आहे. सोमवारी सकाळी १० वाजता शिवांकुश मंगल कार्यालय, जेजुरी रस्ता येथे हा कार्यक्रम होत आहे. या शिबिराचा सर्वांनी लाभ घ्यावा, असे आवाहन बारामतीचे तहसीलदार गणेश शिंदे व मोरगावच्या मंडल अधिकारी प्रमिला लोखंडे यांनी केले आहे.