महाळुंगे पडवळ, ता. १० : पुणे- नाशिक राष्ट्रीय महामार्गावर कळंब (ता. आंबेगाव) येथील बाह्यवळण रस्त्यावर बुधवारी (ता. ९) अज्ञात वाहनाच्या धडकेत एका अनोळखी तरुणाचा मृत्यू झाला.
कळंब बाह्यवळण रस्त्यावर घोड नदीवरील पुलाजवळ एका ३५ वर्षीय तरुणाचा अज्ञात वाहनाने धडक दिल्याने मृत्यू झाला. मृतदेह छिन्नविछिन्न अवस्थेत मिळाला असून, त्याचे वर्णन : अंगात निळा शर्ट व काळी पॅन्ट घातलेली आहे. डोक्याला, अंगाला आणि हाताला मोठ्या स्वरूपाच्या जखमा झाल्याने चेहरा व्यवस्थित दिसत नाही. याबाबत मंगेश बाळू भालेराव (रा. एकलहरे, ता.आंबेगाव) यांनी मंचर पोलिस ठाण्यात फिर्याद दिली आहे. त्यानुसार अज्ञात वाहन चालकाविरोधात गुन्हा दाखल केला आहे. या मृतदेहाची अद्याप ओळख पटलेली नाही. ओळख पटविण्याचे काम मंचर पोलिस करत आहेत. सदर मृतदेहाबद्दल काही माहिती असल्यास पोलिस निरीक्षक श्रीकांत कंकाळ मोबाईल क्र. ९४२१४३२५५५ किंवा सुमीत मोरे मोबाईल क्र. ८६६८५६६२९९ यांच्याशी संपर्क साधावा, असे आवाहन मंचर पोलिसांनी केले आहे.