महाळुंगे पडवळ, ता. ६ : चांडोली बुद्रुक (ता. आंबेगाव) ग्रामपंचायतीच्या कार्यक्षेत्रातील वाडीवस्तीवर बिबट्याने हल्लेसत्र सुरु केले आहे. धरणमळ्यात नऊ फूट उंच असलेल्या कुंपणावरून उडी मारून पाळीवर कुत्र्यांवर बिबट्याने हल्ला करून जखमी केले आहे. शरद सहकारी बँकेचे माजी अध्यक्ष सूर्यकांत थोरात यांनी काठीच्या साहाय्याने प्रतिकार केला. त्यामुळे कुत्र्याचा जीव वाचला. शुक्रवारी (ता. ६) पहाटे ही घटना घडली. पशुवैद्यकीय अधिकारी डॉ. दिनकर थोरात यांनी कुत्र्यांवर औषध उपचार केले. या परिसरात वनविभागाने बिबट्याला जेरबंद करण्यासाठी पिंजरा लावावा, अशी मागणी सूर्यकांत थोरात यांनी केली आहे.