माळशिरस, ता, १८ : पोंढे येथील भैरवनाथ विविध कार्यकारी सेवा सोसायटीच्या अध्यक्षपदी नामदेव मारुती वाघले यांची व उपाध्यक्षपदी निकिता छबन वाघले यांची बिनविरोध निवड झाली.

सोसायटीचे अध्यक्ष बबनराव वाघले व उपाध्यक्ष नानासाहेब वाघले यांनी आपल्या पदाचा राजीनामा दिल्याने या रिक्त जागेसाठी या निवडी करण्यात आल्या. निवडीनंतर माजी उपाध्यक्ष नानासाहेब वाघले यांच्या हस्ते अध्यक्ष नामदेव वाघले यांचा व उपाध्यक्षा निकिता वाघले यांचा शुभांगी दिलीप वाघले यांच्या हस्ते सत्कार केला.

यावेळी सोसायटीचे संचालक अशोक वाघले, बाळासाहेब वाघले, नामदेव तासकर, शामराव वाघले, बाबासो कासवेद, वसंतराव गायकवाड, नामदेव गडदरे, माजी सरपंच वसंत अप्पा वाघले, संपत वाघले, रामदास वाघले, नवनाथ वाघले, छबन वाघले गुरुजी, पोपट वाघले, सुभाष वाघले, शामराव वाघले, सोमनाथ वाघले आदी उपस्थित होते. निवडणूक अधिकारी म्हणून सोसायटी सचिव तुकाराम गायकवाड व शुभम जाधव यांनी काम पाहीले.