महुडे, ता. २९ : भोर-महाड मार्गावरील वरंधा घाट दुरुस्तीसाठी ३० मेपर्यंत रायगड प्रशासनाकडून बंद केला होता. परंतु प्रवाशांच्या मागणीनुसार व महाडचे आमदार भरत गोगावले यांच्या प्रयत्नाने बुधवारपासून (ता.१) फक्त पुढील आठ दिवसांसाठी खुला केला आहे.
सध्या लग्नसराई तसेच उन्हाळ्याची सुट्टी, आणि निवडणूक पाहता कोकणात येणारे प्रवासी यांची हेळसांड होऊ नये तसेच या मार्गाने प्रवास करणाऱ्या प्रवाशांनी वेळोवेळी केलेल्या मागणीची दखल घेत संबंधित जिल्हाधिकारी आणि प्रशासनाशी चर्चा करून आमदार गोगावले यांनी बुधवार, १ पासून ते . ८ मेपर्यंत रस्ता वाहतुकीसाठी खुला केला. दरम्यान, घाट रस्ता वाहतुकीसाठी खुला करून दिल्याबद्दल आमदार गोगावले यांचे प्रवाशांनी आभार मानले आहेत.