महुडे, ता.९ : महुडेहून भोरकडे येणारी एसटी बस (एमएच ०६ एस ८२८९) बुधवारी (ता.९) दुपारी साडेतीन वाजता समोरून येणाऱ्या वाहनाला बाजू देताना रस्त्याच्या साइड पट्टीवरून घसरली व गटरात उलटली. ही घटना महुडेतील मुंडे हद्दीतील घडली. यावेळी बसमध्ये चालक वाहकांसह ९ प्रवासी होते. त्यात आठ विद्यार्थी व एक महिला प्रवासी होते. यातील तीन मुली किरकोळ जखमी झाल्या. त्यांच्यावर भोरमधील उपजिल्हा रुग्णालयात उपचार सुरू आहे.
दरम्यान, मुंडे हद्दीतील अंबाबाई चढाजवळ अपघात झाला. यावेळी चालक विठ्ठल उभे तर वाहक सचिन जाधव होते. या अपघातात ईश्वरी शंकर कुमकर, सायली सुधीर सणस, कल्याणी गणेश जावळे (तिघी रा.माळेवाडी) या विद्यार्थिनी जखमी झाल्या. त्यातील कुमकर व सणस यांच्यावर पुढील उपचारासाठी भोरमधील हरजीवन या खासगी दवाखान्यात पाठविले आहे.
02148