हिर्डोशी, ता.१२ : करंजे (ता.भोर) येथील ज्ञानेश्वर बापूराव कुडले पाटील यांच्या दीड एकर हेक्टरवरील भात शेतीची लावणी करून आशा सायबेजच्या ट्रस्टच्या इंजिनिअर्स यांनी शेतकऱ्याला मदतीचा हात दिला.
ट्रस्टतर्फे करंजे या दत्तक घेतलेला गावातील शेतकऱ्यांना प्रत्यक्ष शेतीकामात मदत करणे,त्यांच्या कष्टात हातभार लावणे आणि ट्रस्टच्या स्वयंसेवकांना ग्रामीण जीवन आणि शेतीकामाचे प्रत्यक्ष अनुभव घेता यावे या उद्देशाने भात शेतीच्या लागवडीचा उपक्रम राबवण्यात आला. यासाठी ३० सायबेज स्वयंसेवक इंजिनिअर्स यांनी तरव्यातून रोपे काढून‌ दोरीच्या सहाय्याने शनिवारी (ता.१२)भात लावणी केली. यात महिला इंजिनिअर्स यांचाही सहभाग होता. भात लावणीचा अनुभव घेताना समाधान वाटले असल्याचे त्यांनी सांगितले.
आंबवडे खोऱ्यात सध्या भात लावण्याची लगबग सुरू असून मजुरांचा तुटवडा आहे. अशा परिस्थितीत ३० स्वयंसेवकांनी कुडले यांना केलेली मदत मोठी दिलासा देणारी ठरली आहे. त्यामुळे शेतीपूरक कामात नेहमी मदत करणाऱ्या सायबेजचे कुडले यांनी आभार व्यक्त केले.

02165