Vaibhav Sooryavanshi IPL 2026 expectations and goals
esakal
Aaron Finch opinion on Vaibhav Sooryavanshi India debut : वैभव सूर्यवंशीने मागील दीड वर्षात जगातील क्रिकेटप्रेमींना त्याची दखल घेण्यास भाग पाडले आहे. आयपीएलमध्ये शतक झळकावणाऱ्या कमी वयातील फलंदाजापासून ते १९ वर्षांखालील वर्ल्ड कप फायनलमधील त्याची १७८ धावांची विश्वविक्रमी कामगिरी, त्याने केली आहे. इंडियन प्रीमिअर लीग २०२६ मध्येही तो दमदार खेळतोय आणि त्यामुळेच आता अजिबात वेळ न घालवता, त्याला भारतीय संघात पदार्पणाची संधी द्यावी, अशी मागणी होत आहे. जूनमध्ये भारतीय संघ लंडन दौऱ्यावर आयर्लंडविरुद्ध दोन ट्वेंटी-२० सामने खेळणार आहे आणि त्यात वैभवची निवड होण्याची शक्यता वर्तवली जात आहे.