हिर्डोशी, ता. ३ : भोर तालुका महसुल विभागातील आंबवडे मंडलाचे मंडल अधिकारी मुजीब अब्दुल नबी शेख यांना महसूल दिनानिमित्त उपमुख्यमंत्री अजित पवार यांच्या हस्ते शुक्रवारी (ता. १) विभागीय व जिल्हा स्तरावरील पुरस्कार देऊन गौरविण्यात आले.
शेख यांनी जिल्ह्यात लक्ष्मी मुक्ती योजनेमध्ये तर तालुक्यात ॲग्रीस्टॅकमध्ये सर्वोत्तम काम केले आहे. शासनाची शंभर टक्के वसुली, शासकीय योजनेचा लाभ, लोकशाही दिन उपक्रमात नागरिकांच्या प्रश्नांचा निपटारा, निवडणुकीमध्ये टपाली कामकाजात नेत्रदीपक कामगिरी बजावली असल्याने त्यांच्या कामाची दखल घेऊन शासनातर्फे पुणे विभागीय आयुक्त डॉ. चंद्रकांत पुलकुंडवार यांनी हा पुरस्कार दिला. हा पुरस्कार मिळणारे भोर तालुक्यातील पहिले शासकीय कर्मचारी आहेत. भोरचे उपविभागीय अधिकारी डॉ. विकास खरात, तहसीलदार राजेंद्र नजन, नायब तहसीलदार यांचेकडून शेख यांचे अभिनंदन करत सत्कार केला.