महुडे, ता.१४ : बारे खुर्द (ता.भोर) येथील युवा शेतकरी सौरभ दत्तात्रेय खुटवड यांना कृषिमंत्री दत्तात्रेय भरणे यांच्या हस्ते शनिवारी (ता.११) सन्मान चिन्ह व पुष्पगुच्छ देऊन गौरविण्यात आले. सेंद्रिय शेतीमध्ये केलेल्या उल्लेखनीय काम केल्याबद्दल त्यांचा पुणे येथे सन्मान करण्यात आला.
महाराष्ट्र शासन कृषी विभाग, कृषी तंत्रज्ञान व्यवस्थापन यंत्रणा (आत्मा) पुणे यांच्यामार्फत आयोजित कार्यक्रमात सेंद्रिय शेतीमध्ये केलेल्या उल्लेखनीय कामगिरीबद्दल प्रगतशील शेतकऱ्यांना गौरव करण्यात आला. पंतप्रधान नरेंद्र मोदी यांचे हस्ते पीएम धन धान्य कृषी योजना, कडधान्य मोहीम व इतर योजना अनावरण कार्यक्रम नवी दिल्ली येथे झाला. या कार्यक्रमाचे थेट प्रक्षेपण व शेतकरी मार्गदर्शन कार्यशाळेचे आयोजन शनिवारी भरणे यांच्या अध्यक्षतेखाली जिल्हा मध्यवर्ती सहकारी बँकेच्या सभागृहात करण्यात आले होते. यावेळी कृषी आयुक्त सूरज मांढरे तसेच वरिष्ठ अधिकारी उपस्थित होते.
02681