नारायणगाव, ता. १६ : वडगाव -कांदळी (ता. जुन्नर) ग्रामपंचायत हद्दीतील भोरवाडी येथून विद्या प्रल्हाद धुळे (वय १३) ही अल्पवयीन मुलगी ६ नोव्हेंबर २०२५ पासून बेपत्ता झाली आहे. तिला अज्ञात व्यक्तीने फूस लावून पळवून नेले आहे, अशी तक्रार मुलीची आई अनिता धुळे यांनी नारायणगाव पोलिस ठाण्यात दिली आहे. बेपत्ता विद्या हिचे वर्णन पुढीलप्रमाणे; रंग काळा सावळा, नाक सरळ, उंची ५ फूट, नेसणीस पिवळ्या रंगाचा पंजाबी ड्रेस, पायात गुलाबी रंगाची चप्पल असून ती मराठी व हिंदी बोलते. वरील वर्णनाची मुलगी आढळल्यास नारायणगाव पोलिस ठाण्याशी संपर्क साधावा, असे आवाहन करण्यात आले आहे.