नसरापूर, ता.२४ : नसरापूर (ता. पुरंदर) येथील शंकरराव भेलके महाविद्यालय व श्री शिवाजी विद्यालयात नुकतेच विविध सामाजिक उपक्रम राबविण्यात आले.
पुणे जिल्हा शिक्षण मंडळाचे अध्यक्ष व उपमुख्यमंत्री अजित पवार यांच्या वाढदिवसानिमित्त संस्थेच्या शंकरराव भेलके महाविद्यालयाच्या वतीने वृक्षारोपण, पर्यावरण रांगोळी स्पर्धा, अजित स्पर्धा परीक्षा,प्लॅस्टिक कचरा संकलन असे विविध उपक्रम राबवण्यात आले. शिवाजी विद्यालयात मुलींच्या रांगोळी स्पर्धेबरोबर वक्तृत्व स्पर्धा असे उपक्रम राबवण्यात आले या कार्यक्रमास प्रमुख पाहुणे म्हणून जिल्हा बँकेचे तज्ज्ञ संचालक भालचंद्र जगताप उपस्थित होते.
यावेळी न्हावी सोसायटीचे अध्यक्ष राजेंद्र सोनवणे, भेलके महाविद्यालयाचे प्राचार्य डॉ. तुषार शितोळे, शिवाजी विद्यालयाचे मुख्याध्यापक संजय यादव महाविद्यालयाचे प्राध्यापक व कर्मचारी विद्यार्थी उपस्थित होते.
वृक्षारोपण उपक्रमात आंबा, पेरू, जांभळ,आवळा,आदी स्थानिक झाडांची लागवड मान्यवरांच्या हस्ते करण्यात आली. रांगोळी स्पर्धेत विद्यार्थ्यांनी निसर्ग व पर्यावरण संवर्धन या विषयावर रांगोळ्या साकारल्या त्याचे परीक्षकांनी क्रमांक काढले. अजित स्पर्धा परीक्षा नावाने घेण्यात आलेल्या सामान्यज्ञान स्पर्धेत विद्यार्थ्यांनी मोठा सहभाग घेतला.

यावेळी भालचंद्र जगताप यांनी महाविद्यालय विद्यालयातील सर्व उपक्रमांना भेट देऊन चाललेल्या कामकाजाची प्रशंसा केली व संस्थेच्या या पहिल्या शाळेसाठी काही लागेत ती मदत देण्याची तयारी दाखवली.
यावेळी महाविद्यालयातील डॉ. जगदीश शेवते, प्रा.सहदेव रोडे, प्रा. पोर्णिमा कारळे, डॉ.रोहीदास ढाकणे, ग्रंथपाल भगवान गावित, डॉ. सचिन घाडगे, प्रा. गणपत आवटे, प्रा. जीवन गायकवाड, प्रा.दयानंद जाधवर, प्रा.माऊली कोंडे, प्रा. महेश कोळपे, प्रा. भूषण समगीर, प्रा.ऐश्वर्या धुमाळ, प्रा. अंकिता महांगरे, विकास ताकवले, सुमीत कांबळे व कार्यक्रमासाठी विशेष परिश्रम घेणारे अभिषेक मोरे आदी उपस्थित होते.

05601