नसरापूर, ता. ६ : जांभळी येथे रविवारी (ता.५) रात्री ग्रामस्थ ॲड. सुरेश सोनवणे यांच्या फार्म हाऊस तसेच गोठ्यावर बिबट्याने हल्ला केला व तेथील एका कुत्र्याची शिकार केली. बिबट्याचा वावर व केलेली शिकार सीसीटिव्हीत कैद झाली आहे.
जांभळीच्या स्मशानभूमीपासून काही अंतरावर गुंजवणी नदीजवळ असलेल्या सोनवणे यांच्या गोठ्यावर रात्रीच्या सुमारास त्यांनी पाळलेली दोन कुत्री जोरात भूंकू लागल्याने तेथील कामगाराने बिबट्याची शंका आल्याने फटाकडे वाजवले. त्यानंतर पहाटे दीड ते दोन वाजण्याच्या सुमारास पुन्हा बिबट्याने तेथे हल्ला केला व दोन पैकी एका कुत्र्याची शिकार केली. ही घटना तेथील सीसीटिव्हीत कैद झाली आहे. याबाबत कामगाराने मालक सोनवणे व जांभळी ग्रामपंचायतीचे सदस्य बाळूतात्या कदम यांना माहिती दिली. सामाजिक कार्यकर्ते सचिन बांदल यांनी घटनेची वनविभागास माहिती दिली. त्यानंतर वनकर्मचारी पांडुरंग गुट्टे यांनी घटनास्थळी भेट दिली.
दरम्यान, वनकर्मचारी पांडुरंग गुट्टे यांनी याबाबत वरिष्ठांना माहिती देऊन कार्यवाही करण्यात येईल, असे सांगून नागरिकांनी रात्रीच्या वेळी बाहेर पडताना सावधगिरी बाळण्याचे आवाहन केले आहे.
05867
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.