नीरा नरसिंहपूर, ता. २९ : जगद्‍गुरू तुकाराम महाराज पालखी सोहळा सराटी मुक्कामास सोमवारी (ता. ३०) येणार आहे. त्यासाठी ग्रामपंचायत व ग्रामस्थांच्या वतीने वारकऱ्यांसाठी जर्मन सुपर स्ट्रक्चर वॉटरप्रूफ भव्य मंडपाची उभारणी केली आहे, तसेच वारकऱ्यांच्या आरोग्याची तपासणी, चालून पाय थकले असल्याने चेपून देण्याची सोय केली आहे, तसेच ठिकठिकाणी स्वच्छतागृह उभारण्यात आली आहेत. पालखीतळाची स्वच्छता करून परिसर चकाचक केलेला आहे.