ओतूर, ता. १७ : धोलवड (ता. जुन्नर) येथील ग्रामपंचायत व शिवनेरी प्रतिष्ठान धोलवड यांच्या वतीने स्वातंत्र्य दिनानिमित्त रक्तदान शिबिर आयोजित करण्यात आले होते. शिबिराचे उद्‍घाटन ग्राम शिक्षण सेवा मंडळाचे अध्यक्ष भालचंद्र नलावडे व सरपंच वैभव नलावडे यांच्या हस्ते झाले.
या शिबिरात ७५ जणांनी रक्तदान केले. प्रत्येक रक्तदात्यास पाण्याचा जार भेट स्वरूपात देण्यात आला. रक्त संकलन शिवनेरी ब्लड बँक मंचर यांच्या वतीने करण्यात आले. शिबिर यशस्वी करण्यासाठी ऋषिकेश नलावडे, ऋषिकेश डोंगरे, आशिष नलावडे, कृष्णा नलावडे, दत्ता नलावडे, विशाल नलावडे, आशिष नलावडे आदींनी प्रयत्न केले.
याप्रसंगी माजी सरपंच अशोक नलावडे, युवा उद्योजक नितीन वामन, मंदाकिनी वामन, ग्रामपंचायत सदस्य संदीप लवांडे, सुनीता नलावडे, ऊर्मिला मुंडे, सुनीता नलावडे, पौर्णिमा भोर, मंगल नलावडे, ग्रामविकास अधिकारी एस. एस. आल्हाट, पोलिस पाटील गौरी काळे आदी उपस्थित होते.