ओझर, ता.५ : शिरोली बुद्रुक (ता.जुन्नर) येथील युवा शेतकरी किशोर विठ्ठल बोऱ्हाडे याने तुर्की बाजरीच्या वाणाचे यशस्वीरीतीने उत्पादन घेतले आहे. तुर्कस्तानात पर्ल या नावाने विकसित केलेला हा बाजरीचा वाण आहेत. या पिकाची उंची सात ते आठ फूट आहे. कणसाची लांबी साधारणपणे दोन फूट आहे.
कणसांची लांबी पाहून परिसरातील शेतकरी आश्चर्य चकित होऊन या बाजरीच्या जाती विषयी विचारणा करत आहेत पिकाची वाढ पाहता धान्याचे आणि चाऱ्याचे उत्पादन उत्तम मिळेल असा अंदाज शेतकरी व्यक्त करत आहेत.
सोलापूर जिल्ह्यातील बार्शी तालुक्यातील एका शेतकऱ्याने या वाणाचे उत्पादन घेऊन सोशल मीडियावर त्याबाबतची माहिती दिली होती. त्याच्याशी संपर्क साधून बोऱ्हाडे याने बियाणे मिळवले आणि स्वतःच्या शेतात पेरणी केली. पेरणी केलेले बाजरीचे पीक दाट झाले आहे. त्याची टोकन पद्धतीने लागवड केल्यास उत्पादन जास्त मिळेल असे त्याने सांगितले.
आधुनिक शेतकरी शेतीमध्ये नवनवीन तंत्रज्ञानाचा अवलंब करून विविध पिकांचे उत्पादन घेतात. जगाच्या पाठीवर अनेक देशात शेती केली जाते. विविध प्रकारच्या हवामानात शेतकरी विविध प्रकारचे शेतमाल पिकवतो. त्यामध्ये धान्य,फळे, फुले भाज्या आदी उत्पादनांचा समावेश आहे.

01562