शिरूर, ता. ९ : शिरूर तालुक्यातील ९६ ग्रामपंचायतींच्या सरपंच पदासाठी अनुसूचित जाती, अनुसूचित जमाती, इतर मागास वर्ग आणि महिला या प्रवर्गातील आरक्षण शुक्रवारी (ता. ११) काढण्यात येणार आहे. अनुसूचित जाती, अनुसूचित जमाती, ओबीसी व महिला या प्रवर्गातील आरक्षण सोडतीद्वारे निश्चित केले जाणार आहे. मुख्य प्रशासकीय इमारतीच्या तिसऱ्या मजल्यावरील सभागृह क्रमांक १ येथे दुपारी १२ वाजता याबाबतची प्रक्रिया होणार असल्याची माहिती तहसीलदार बाळासाहेब म्हस्के यांनी दिली.