फुलवडे, ता. १७ : फुलवडे (ता. आंबेगाव) येथील श्री नामदेवराव मारुती नंदकर अनुदानित आश्रमशाळेत आंबेगाव तालुका लॅब असोसिएशनच्या वतीने स्वातंत्र्य दिनानिमित्त रक्तगट तपासणी शिबिर आयोजित केले होते. त्यामध्ये १७६ विद्यार्थी व कर्मचाऱ्यांची रक्तगट तपासणी करण्यात आली.
यावेळी आंबेगाव तालुका लॅब असोशियनचे पुणे जिल्हा खजिनदार दत्तात्रेय पायमोडे, आंबेगाव तालुका उपाध्यक्ष दयानंद कोकाटे, सचिव युसूफ खान पठाण, बालरोग तज्ज्ञ डॉ. हेमंत चिखले, उज्ज्वला बगाडे, अस्मिता चिखले, सुरेखा थोरात, किरण बनसोडे, ज्ञानदीप आदिवासी सेवा मंडळाचे संस्थापक-अध्यक्ष नामदेव नंदकर, आश्रमशाळेचे अधीक्षक दत्तात्रेय भोर, स्त्री अधीक्षिका सविता तिटकारे आदी उपस्थित होते. प्राथमिक मुख्याध्यापक सोपान फटांगरे यांनी सूत्रसंचालन केले, माध्यमिक मुख्याध्यापक सुनील पोटे यांनी आभार मानले.