पिंपळवंडी, ता.२ : पिंपळवंडी (ता.जुन्नर) येथील काकडपट्टा शिवारातील शेतकरी अरुण गाजरे यांच्या घरासमोर मंगळवारी (ता.२)रात्री दहा वाजण्याच्या सुमारास बिबट्या अगदी निवांतपणे खेळताना दिसला. त्याचा व्हिडिओ गाजरे यांनी त्यांच्या घरातून काढलेला आहे.
घराच्या समोर बिबटे एवढे निवांतपणे येत असतील तर आम्ही घराबाहेर कसे पडायचे? असा प्रश्न येथील ग्रामस्थांनी उपस्थित केला आहे.
बिबट्यांसोबत जीवन जगत असताना आम्हाला आमच्या जिवाची देखील काळजी आहे.
दरम्यान, परिसरात बिबट्याच्या हल्ल्यात मनुष्य मृत्युमुखी पडल्याच्या घटना घडलेल्या आहेत. या परिसरात बिबट्यांची वाढती संख्या चिंताजनक आहे. यामुळे पिंजरा लावण्याची मागणी गाजरे यांनी केली आहे. बिबट्यांची संख्या कमी होताना दिसत नाही. यावर लवकरात लवकर कायमस्वरूपी उपाय योजना करण्याची मागणी ग्रामस्थांकडून होत आहेत.
02518