पिरंगुट, ता. ९ : लवार्डे (ता.मुळशी) येथील टेमघर धरणातील पाणीसाठा २.२६ टीएमसी म्हणजे ६०.९८ टक्के इतका झाला आहे. या साठ्यामुळे पुणे शहरातील नागरिकांची दीड महिन्याची तहान भागणार आहे.
गेल्या दोन महिन्यांपासून टेमघर धरणाच्या पाणलोट क्षेत्रात पावसाने संततधार हजेरी लावल्याने धरणातील साठा झपाट्याने वाढला आहे. गेल्यावर्षीच्या तुलनेने यंदा महिनाभर अगोदरच पाणी साठा ६१ टक्क्यावर गेला आहे. धरणाच्या क्षेत्रात आजअखेर १६१० मिलिमीटर इतका पाऊस झाला आहे. गेल्यावर्षी याच दिवशीपर्यंत म्हणजे नऊ जुलै २०२४ रोजी अखेर या धरणाच्या पाणलोट क्षेत्रात केवळ ९११ मिलिमीटर इतका पाऊस झाला होता. यावर्षी पावसाने महिनाभर अगोदरच हजेरी लावली आहे.

04565