राहू, ता. १२ : खामगाव नजीक खेडेकर वस्ती (ता. दौंड) येथील भैरवनाथ विविध कार्यकारी सेवा सोसायटीच्या अध्यक्षपदी संतोष दळवी यांची तर उपाध्यक्षपदी मंदा खेडेकर यांची बिनविरोध निवड झाली.
सहाय्यक निबंधक कार्यालय दौंड येथे निवडणूक प्रक्रिया पार पडली. निवडणूक अधिकारी एस. एस. राजभोज, सोसायटीचे सचिव दिलीप गायकवाड, कैलासराव कोळपे यांनी काम पहिले.
याप्रसंगी संस्थेचे माजी अध्यक्ष जयहिंद खेडेकर, उपाध्यक्ष सुरेखा खेडेकर, जिल्हा बँकेच्या माजी संचालिका जयश्री खेडेकर, माजी सरपंच संजय जगताप, विलास खेडेकर, पूनम खेडेकर, बिभीषण खेडेकर, संचालक बबन खेडेकर, बाळासाहेब दळवी, दत्तात्रेय खेडेकर, अक्षय बहिरट, सचिन चोरमले, संतोष नेटके, तज्ञ संचालक अतुल कुंजीर, विनायक नागवडे उपस्थित होते.