राजगुरुनगर, ता. १३ : राजगुरुनगर (ता. खेड) परिसरात आणि खेड तालुक्याच्या काही भागात अवकाळी पावसाने अक्षरशः झोडपून काढले. तासाभरात तब्बल ३८ मि.मी. पावसाची नोंद झाली. दुपारी एक वाजता राजगुरुनगर परिसरात ढगफुटीसारखा तुफान पाऊस पडला. त्यामुळे परिसरातल्या छोट्या ओढ्यानाल्यांना पूर आला.
सकाळपासून वातावरणात उष्मा होता. दुपारी एक वाजण्याच्या सुमारास काही मिनिटात आकाशात काळेकुट्ट ढग जमले आणि मुसळधार पाऊस सुरू झाला. पहिल्या अर्ध्या तासात तर पावसाचा जोर इतका जबरदस्त होता कि काही फुटांवरचे काही दिसत नव्हते. रस्त्यावरची वाहने दिवे लावून संथपणे चालली होती. रस्त्यांवर माणूस दिसत नव्हते. राजगुरुनगरच्या रस्त्यांना ओढ्याचे स्वरूप आले. त्यामुळे जनजीवन विस्कळित झाले. सुमारे तासभर हा मुसळधार पाऊस पडत होता.
या पावसाने उन्हाळी भाजीपाला आणि बाजरीच्या पिकाचे नुकसान केले. मात्र हा पाऊस खरीप हंगामापूर्वी मशागतीची कामांना पूरक आहे.
महाराष्ट्रावर कमी दाबाचे क्षेत्र निर्माण झाल्याने हा पाऊस पडत आहे. ही स्थानीय स्थिती असून इतर कुठलेही वारे किंवा वातावरण बदलाचा यांच्याशी संबंध नाही, असे आम्ही हवामान तज्ज्ञांकडून माहिती घेतल्यानंतर समजले. येते दोन तीन दिवस ही परिस्थिती राहणार आहे.
- डॉ. राजीव काळे, वरिष्ठ शास्त्रज्ञ, कांदा आणि लसूण संशोधन संचालनालय
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.