राजगुरूनगर, ता. ३१ : पुणे- नाशिक महामार्गावरील राजगुरुनगर बाह्यवळणावर शनिवारी (ता. ३१) दुपारी अज्ञात वाहनाच्या धडकेत मोटारसायकलस्वार ठार झाला. तुकाराम गणपत बांबळे (वय ३०, रा. तळवडे, ता. हवेली; मूळ रा. बोरघर, घोटमाळवाडी, ता. आंबेगाव), असे अपघातात मृत्युमुखी पडलेल्या तरुणाचे नाव आहे.
पोलिसांनी दिलेल्या माहितीनुसार, तुकाराम बांबळे हा तळवडे येथे खाजगी कंपनीत कामाला होता आणि तिथेच भाड्याने एकटा राहत होता. रविवारी सुट्टी असल्याने तो घरी बोरघरला मोटारसायकलवर निघाला होता. मात्र, पुणे- नाशिक महामार्गावरील राजगुरुनगर बाह्यवळणावर अज्ञात वाहनाची त्याच्या मोटरसायकलला धडक बसली. त्यामुळे गंभीर जखमी होऊन त्याचा मृत्यू झाला.