राजगुरुनगर : राजगुरुनगर नगरपरिषदेचे नगराध्यक्षपद खुल्या गटासाठी निश्चित झाल्याने राजकीय वर्तुळात उत्साह संचारला असून समाजमाध्यमांवर इच्छुकांच्या समर्थकांनी भावी नगराध्यक्षांच्या पोस्ट टाकून राजकीय वातावरण तापवायला सुरुवात केली.राजगुरुनगर नगरपरिषदेत पहिल्यांदाच लोकनियुक्त नगराध्यक्ष पदासाठी निवडणूक होणार आहे. गेली पाच वर्षे नगरपरिषदेवर प्रशासक असल्यामुळे नागरिक आतुरतेने निवडणुकीची वाट पाहत होते. त्यामुळे नगराध्यक्ष पदाची सोडत जाहीर झाल्यावर कार्यकर्त्यांमध्ये उत्साहाची लाट पसरली. लगेच इच्छुकांच्या नावांची चर्चा सुरू झाली आहे.