राजेगाव, ता. २९ : खडकी (ता. दौंड) येथील ब्राईट फ्युचर स्कूलमध्ये गांधी जयंती निमित्त ब्राईट स्वच्छता अभियानाचे आयोजन करण्यात आले होते.
यावेळी शाळा, ग्रामपंचायत आणि महादेव मंदिर परिसरात पर्यावरण संवर्धन व सामाजिक बांधिलकीची जाणीव निर्माण करणे या उद्देशाने स्वच्छता आणि रोपांची लागवड करण्यात आले. सर्वांनी हातात झाडू, फावडे घेऊन परिसरातील प्लास्टिक, पालापाचोळा, गवत, कचरा आदी स्वच्छ केला. ‘स्वच्छ गाव- सुंदर गाव’, ‘गांधीजींचा विचार-स्वच्छतेचा प्रचार’ अशा घोषणा देत विद्यार्थ्यांनी जनजागृती केली. कार्यक्रमाचे आयोजन प्रशांत चव्हाण यांनी तर मारुती पोळेकर यांचे सहकार्य मिळाले. यावेळी राष्ट्रवादीचे तालुका युवक अध्यक्ष सचिन काळभोर, सरपंच ज्योती शिंदे, अनिल गुणवरे, आधार सेवा फाउंडेशन अध्यक्ष सचिन शिंदे, सुमीत शिंदे, संस्थेचे अध्यक्ष राजू गायकवाड, सचिव ऋषिकेश गायकवाड, उपाध्यक्ष तेजस गायकवाड, खजिनदार तुषार काळे, संचालिका विद्या काळे, मुख्याध्यापिका शीतल काळभोर, उपमुख्याध्यापक योगेश हगारे आदी उपस्थित होते.