इंदापूर, ता. ३ : विद्या प्रतिष्ठान पॉलिटेक्निक कॉलेज इंदापूर येथे माजी विद्यार्थी मेळावा पार पडला. दरम्यान, या मेळाव्यास १०० हून अधिक माजी विद्यार्थी सहभागी झाले.
या वेळी सर्व माजी विद्यार्थ्यांनी कॉलेजला सात प्रोजेक्टर व त्याला लागणारे स्क्रीन भेट देण्याची ग्वाही दिली. यामुळे कॉलेजमधील सर्व विद्यार्थ्यांना सध्या इंडस्ट्रीजमध्ये ज्या नवीन पद्धती अवलंबल्या जातात, त्या शिकण्यासाठी त्याचा खूप उपयोग होईल व ते कौशल्य चांगल्या प्रकारे आत्मसात करू शकतील.
या वेळी प्राचार्य डॉ. सुजय देशपांडे यांनी विद्यार्थ्यांना मार्गदर्शन करताना कॉलेजमध्ये सायबर सेक्युरिटी सेंटर ऑफ एक्सलन्स, इंक्युबॅशन लॅब व इनोवेशन क्लब सुरू करण्याबाबत माहिती दिली.
या कार्यक्रमाचे प्रास्ताविक लक्ष्मीकांत लाकाळ यांनी केले. आभार अभिजित काशीद यांनी मानले. या कार्यक्रमास महाविद्यालयातील सर्व शिक्षक, शिक्षकेतर कर्मचारी उपस्थित होते.