इंदापूर, ता. २५ ः संभाजी ब्रिगेड संघटनेने संभाजी महाराजांचा एकेरी उल्लेख थांबवावा, या मागणीसाठी प्रशासकीय भवनासमोर इंदापूर येथे शिवधर्म फाउंडेशनच्या वतीने एक दिवसीय लाक्षणिक उपोषण केले‌.
शिवधर्म फाउंडेशनचे संस्थापक अध्यक्ष दीपक काटे यांच्यावतीने संभाजी ब्रिगेड संघटनेने संभाजी महाराजांचा होत असणारा एकेरी उल्लेख थांबवावा, व धर्मवीर छत्रपती संभाजी ब्रिगेड किंवा इतर कोणतेही नाव द्यावे, यासाठी मागील महिन्याचा कालावधी दिला होता. परंतु, संभाजी ब्रिगेड यांनी नाव बदलण्याचा निर्णय न घेतल्यामुळे मंगळवार (ता. २५) रोजी शिवधर्म फाउंडेशनतर्फे विविध भागात एक दिवसीय लाक्षणिक उपोषण केले.
इंदापूर येथे तहसीलदार जीवन बनसोडे यांना निवेदन देत आपली मागणी शासनदरबारी मांडावी, अशी मागणी शिवधर्म फाउंडेशनचे संस्थापक अध्यक्ष दीपक काटे यांनी केली. यावेळी शिवधर्म फाउंडेशनचे पदाधिकारी, कार्यकर्ते मोठ्या संख्येने उपस्थित होते.