शिरूर येथे दोन दिवसीय
प्रबोधन व्याख्यानमालेचे आयोजन

शिरूर, ता. १८ : भारतरत्न डॉ. बाबासाहेब आंबेडकर यांच्या जयंती उत्सवाचे औचित्य साधून शिरूर येथील डॉ. बाबासाहेब आंबेडकर विचार मंचाच्या वतीने मंगळवार व बुधवार असे दोन दिवस येथे प्रबोधन व्याख्यानमालेचे आयोजन करण्यात आले आहे.
या व्याख्यानमालेअंतर्गत मंगळवारी (ता. २२) ज्येष्ठ पत्रकार संजय आवटे यांचे ‘शिवराय ते भीमराव’ या विषयावर व्याख्यान होणार असून, बुधवारी (ता. २३) सीआयडीचे वरिष्ठ पोलिस अधिकारी सारंग आव्हाड यांचे `कोवळी तरुणाई गुन्हेगारीच्या विळख्यात’ या विषयावर व्याख्यान होणार आहे.
शिरूर येथील राजभोग बॅंक्वेट हॉल येथे सायंकाळी साडेसहा वाजता या व्याख्यानांना सुरवात होणार आहे. या व्याख्यानांसाठी सर्व घटकांतील नागरिकांसह पालक, विद्यार्थी, महिलांनी आवर्जून उपस्थित राहावे, असे आवाहन डॉ. बाबासाहेब आंबेडकर विचार मंचाच्या अध्यक्षा तथा माजी नगराध्यक्षा सुवर्णा लोळगे यांनी केले आहे.
‘‘व्याख्यानमालेचे हे दुसरे वर्ष असून गतवर्षी ज्येष्ठ पत्रकार उत्तम कांबळे व ज्येष्ठ विचारवंत ॲड. आनंद शितोळे यांची व्याख्याने झाली होती,’’ अशी माहिती विचार मंचाचे समन्वयक प्रवीण गायकवाड यांनी दिली.