पुणे

पुरंदरमध्ये गटशेती प्रीमियर लीग स्पर्धेत महिलांची आघाडी

CD

सासवड, ता. १८ : अभिनेते आमीर खान यांच्या पाणी फाउंडेशनने जलसंधारणा पाठोपाठ आता गटशेतीच्या माध्यमातून शेतीत क्रांती घडवली आहे. पुरंदर तालुक्यात सुरू असलेल्या गटशेती प्रीमियर लीग २०२५-२६'' स्पर्धेत महिला शेतकरी गट आघाडीवर आहेत, ज्यामुळे ‘कमी खर्च, कमी कालावधी आणि जास्त उत्पादन’ हे समीकरण प्रत्यक्षात येत आहे. फाउंडेशनने महाराष्ट्रात जलसंधारणाचे यशस्वी काम केल्यानंतर आता शेती उत्पादन वाढीवर लक्ष केंद्रित केले आहे.
यंदाच्या खरीप हंगामात पुरंदर तालुक्यात वाटाणा, बाजरी, भुईमूग, घेवडा, कांदा आणि पालेभाज्यांची मोठ्या प्रमाणात लागवड केली जात आहे. विशेषतः पोखर, साकुर्डे, आंबळे आणि उदाचीवाडी या गावांनी जलसंधारणात आघाडी घेतल्यानंतर, आता मांढर, परिंचे आणि बोपगावातील महिला शेतकरी गट शेतीत उत्कृष्ट कामगिरी करत आहेत.
बोपगाव येथील ‘राजलक्ष्मी शेतकरी गटा’तील महिलांनी तीस एकरपेक्षा जास्त क्षेत्रावर वाटाणा पिकाची लागवड केली आहे, तर परिंचे येथील ‘कृषी सखी शेतकरी गट’ सोयाबीन पिकामध्ये सक्रिय आहे. पाणी फाउंडेशनच्या ‘स्टँडर्ड ऑपरेटिंग प्रॅक्टिसेस’ (एसओपी) नुसार दशपर्णी अर्क तयार करणे, एकत्रित बियाणे खरेदी, उगवण क्षमता तपासणी आणि बीजप्रक्रिया यांसारखी कामे हे गट एकत्रितपणे करत आहेत. त्यांनी पेरणी यंत्र आणि इतर औजारेही खरेदी केली आहेत.
फाउंडेशनच्या कृषी विभागाचेही या गटशेतीला मोठे सहकार्य मिळत आहे. परिंचे येथील कृषी सखी महिला शेतकरी गट आणि बोपगाव येथील राजलक्ष्मी महिला शेतकरी गट कृषी विभागाशी जोडले गेले असून, त्यांना शासकीय योजना आणि मार्गदर्शनाचा लाभ मिळत आहे. सहायक कृषी अधिकारी विजय जाधव बोपगावच्या राजलक्ष्मी गटाला, तर संदेश समगीर परिंचेच्या कृषी सखी गटाला मार्गदर्शन करत आहेत.

गटशेतीमुळे शेतकऱ्यांच्या अडचणी कमी होतात, खरेदीमध्ये बचत होते आणि यांत्रिक शेतीमुळे मजुरीची समस्या सुटते. पुरंदरमधील अनेक गट दुप्पट आर्थिक उत्पन्न घेत असून, नवनवीन प्रयोग करून अधिकाधिक उत्पादन मिळवत आहेत. हे इतर शेतकऱ्यांसाठी एक आदर्श आहे.
- मयूर साळुंके, पुरंदर समन्वयक, पाणी फाउंडेशन

05113

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Mumbai News: पतीच्या प्रेमाची ‘कर’कहाणी! पत्नीला थेट ६.७५ कोटींची नोटीस आली, मुंबईतील धक्कादायक घटना

Bhorya Independence Day Speech Video : स्वातंत्र्यदिनानिमित्त भोऱ्यानं केलं पुन्हा एक तुफान भाषण; सोशल माडियावर प्रचंड व्हायरल!

Janmashtami 2025: श्रीकृष्ण जन्माष्टमी स्पेशल! 'ही' लोकप्रिय गाणी वापरून 'Instagram Reels' वर होईल लाइक्सचा वर्षाव

Sanjay Raut announcement: संजय राऊतांची मोठी घोषणा!, ठाकरे बंधू मुंबईसह ‘या’ महापालिका निवडणूक एकत्र लढवणार

Kangana Ranaut Marriage : मिस्ट्री मॅन, गुपचूप लग्न अन् आयुष्यात...; कंगना राणौतचा धक्कादायक खुलासा, म्हणाली प्रेमात सगळं...

SCROLL FOR NEXT