तळेगाव ढमढेरे, ता. ३ : तळेगाव ढमढेरे (ता.शिरूर) येथील शिरूर कृषी उत्पन्न बाजार समितीच्या महात्मा फुले उपबाजारात सोमवारी (ता.२) सुमारे ३००० शेळी, बोकड व मेंढ्यांची खरेदी-विक्री झाली आहे. आतापर्यंतची ही सर्वात मोठी विक्रमी खरेदी-विक्री असल्याची माहिती बाजार समितीचे प्रशासक अरुण साकोरे, सचिव अनिल ढोकले, सहसचिव अनिल ढमढेरे यांनी सांगितली.
बकरी ईद सणामुळे आजच्या बाजारात बोकडांना मोठी मागणी होती. कपाळावर चंद्राची पांढरी कोर असलेल्या बोकडाची सुमारे ५० हजार रुपयापर्यंत विक्री झाल्याचे बाजार समितीतर्फे सांगण्यात आले. येथील बाजारात शेळी व बोकडाला २० हजार रुपये ते ५० हजार रुपयांपर्यंत बाजारभाव मिळाला आहे. तसेच मेंढीला ६५०० ते १५ हजार रुपयांपर्यंत बाजारभाव मिळाला आहे.
बाजारात मेंढपाळ, शेतकरी व पशुपालक पुणे व अहिल्यानगर परिसरातून शेळी, बोकड व मेंढ्या विक्रीसाठी आले होते. तसेच पुणे, अहिल्यानगर, सातारा, अलिबाग, मुंबई आदी ठिकाणाहून मोठ्या प्रमाणात खरेदीसाठी व्यापारी आले होते.
आजच्या बाजारात विक्रमी शेळी, बोकड व मेंढ्यांची विक्री झाली असून, येथील कर्मचाऱ्यांनी व्यापारी व पशुपालकांना सहकार्य केले. यामध्ये दादाभाऊ नरके, सूरज शेलार, प्रशांत ढमढेरे, अतुल पिंगळे, गणेश पंडित, वैष्णव मेटे, दशरथ शेलार या कर्मचाऱ्यांचा समावेश आहे.
07557
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.