तळेगाव ढमढेरे, ता.३ : धानोरे (ता.शिरूर) येथील घनोबा मंदिरात खरीप हंगाम पूर्व तयारी कार्यशाळा व हुमणी नियंत्रणासाठी ५० शेतकऱ्यांना प्रकाश सापळे किटचे वाटप करण्यात आले. कृषी विभाग व जॉन डियर कंपनी यांच्या संयुक्त विद्यमाने कार्यक्रमाचे आयोजन केले होते.

कार्यक्रमात शेतकऱ्यांना खरीप हंगामातील कीड व्यवस्थापन, हुमणी नियंत्रण, सुपर केन नर्सरी आणि एम.आर.इ.जी.एस. अंतर्गत फळबाग लागवडीविषयी मार्गदर्शन करण्यात आले.
यावेळी सहायक कृषी अधिकारी प्रशांत दोरगे, जॉन डियर कंपनीचे समन्वयक आकाश सावंत, प्रियंका साबळे, मनीषा ढोले, माजी उपसरपंच बापूसाहेब शेळके, मधुकर कोंडे, बाळासाहेब माशिरे, संभाजी माशिरे, भाऊसाहेब थेऊरकर, पोलिस पाटील स्वप्नील झगडे, शिवदास भोसुरे, ग्रामस्थ व शेतकरी उपस्थित होते.

दरम्यान यावेळी १० शेतकऱ्यांना सुपर केन नर्सरीसाठी आवश्यक औषधांचा पुरवठा कंपनीमार्फत करण्यात येणार असल्याची माहिती यावेळी देण्यात आली. सहायक कृषी अधिकारी प्रशांत दोरगे यांनी हुमणी नियंत्रणाचे विविध उपाय, सुपर केन नर्सरीचे फायदे आणि सरकारी योजनांचा लाभ याबाबत शेतकऱ्यांना मार्गदर्शन केले.

07560