तळेगाव ढमढेरे, ता.७: तळेगाव ढमढेरे (ता.शिरूर) येथील शिरूर कृषी उत्पन्न बाजार समितीच्या महात्मा फुले उपबाजारात सोमवारी (ता.७) झालेल्या बाजारात एकूण २००० हजार शेळी, बोकड व मेंढ्यांची आवक झाली. त्यापैकी ११०० विक्री झाली.
बासजारात आषाढ महिन्यामुळे सोमवारी (ता.७) झालेल्या बाजारात जास्त व्यापारी येतील म्हणून पशुपालकांनी जास्त शेळ्या-मेंढ्यांची आवक केली. त्यापैकी ९०० शेळ्या- मेंढ्या पशुपालकांनी परत नेल्या. आजच्या बाजारात व्यापारी कमी आल्याने खरेदी-विक्री कमी झाल्याचे बाजार समितीतून सांगण्यात आले. आजच्या बाजारात शेळी व बोकडाला १२००० ते २१००० हजार रुपयांपर्यंत बाजारभाव मिळाला. तर मेंढीला ६५०० ते १५००० रुपयांपर्यंत बाजारभाव मिळाला आहे, असल्याची माहिती बाजार समितीचे सचिव अनिल ढोकले व सहाय्यक सचिव अनिल ढमढेरे यांनी दिली.
आजच्या बाजारात पुणे, आहिल्यानगर, सातारा, अलिबाग, मुंबई येथील व्यापारी आले होते. तर पुणे व अहिल्यानगर जिल्ह्यातील मेंढपाळ व शेतकऱ्यांनी शेळी, बोकड व मेंढ्या विक्रीसाठी आणल्या होत्या.
विक्री झालेल्यांना चांगला बाजारभाव मिळाल्याने शेतकऱ्यांनी समाधान व्यक्त केले. आजचा बाजार आषाढामुळे मोठा भरला होता.

07702