तळेगाव ढमढेरे, ता. ९ : कोंढापुरी (ता. शिरूर) येथे बारावीनंतरच्या पदवी अभ्यासक्रमाची सुविधा उपलब्ध करण्यात आली आहे. येथील सिंहगड कॉलेजमध्ये चालू शैक्षणिक वर्षापासून पदवीच्या शिक्षणाची सुविधा उपलब्ध झाली आहे. अखिल भारतीय तंत्र शिक्षण परिषद मान्यताप्राप्त बीबीए व बीसीए हे व्यावसायिक कोर्स सुरू करण्यास शासनाने मान्यता दिली आहे. तसेच विद्यार्थ्यांना एमबीए करता यावे, म्हणून एमबीएची प्रवेश क्षमता ६० वरून १२० इतकी केली आहे. या अभ्यासक्रमाचा ग्रामीण भागातील विद्यार्थ्यांनी लाभ घेण्याचे आवाहन श्रीनाथ शिक्षण प्रसारक मंडळाचे कॅम्पस संचालक दिनेश डोके यांनी केले आहे.