तळेगाव ढमढेरे, ता. १४ : तळेगाव ढमढेरे (ता. शिरूर) येथील युवा उद्योजक नवनाथ भुजबळ यांच्यावतीने आयोजित केलेल्या सर्वरोग निदान शिबिरात ६३० लाभार्थ्यांनी लाभ घेतला. या शिबिरास उत्स्फूर्त प्रतिसाद मिळाला आहे. आरोग्य मल्टीस्पेशालिटी हॉस्पिटलच्या वतीने रुग्णांना मार्गदर्शन करण्यात आले. यावेळी डॉ. दिलीप दाणे, डॉ. संकेत कोरडे, डॉ. सुरेश मोहिते यांच्या पथकाने रुग्णांची तपासणी करून योग्य औषधोपचार केले.
शिबिरामध्ये प्रामुख्याने ३३० रुग्णांची नेत्र तपासणी करण्यात आली असून, त्यापैकी ३० नागरिकांच्या मोतीबिंदूवर मोफत शस्त्रक्रिया करण्यात येणार आहे. तसेच, ९० हृदयरोग तपासण्या केल्या. यामध्ये रक्त तपासणी, एक्स-रे, ईसीजी आदींची सेवा पुरवणी मोफत औषधोपचार केले. ७० दंत रुग्णांची तपासणी करण्यात आली. नवनाथ भुजबळ, माजी उपसरपंच मच्छिंद्र भुजबळ व मयूर भुजबळ यांनी स्वागत केले.