तळेगाव ढमढेरे, ता. २० : तळेगाव ढमढेरे (ता. शिरूर) येथे मुळे वस्तीवर शिवजयंतीनिमित्त शिवरायांचा आसनावर आरूढ झालेला पूर्णाकृती पुतळा उभारला आहे. येथील क्रांतिवीर पतसंस्थेचे अध्यक्ष व सामाजिक कार्यकर्ते नीलेश मुळे यांच्या निवासस्थानासमोर स्वखर्चाने हा पुतळा उभारला आहे. शिवजयंतीनिमित्त शिवरायांच्या पुतळ्याची प्राणप्रतिष्ठापना करण्यात आली. यावेळी कीर्तनकार विलास वाघ यांनी शिवचरित्र सांगितले. यावेळी गवळीबाबा भजनी मंडळातर्फे संगीत भजनाचा कार्यक्रम झाला. यावेळी जिल्हा परिषद सदस्य दीपाली गव्हाणे, शारदा भुजबळ, रमेश भुजबळ, नवनाथ भुजबळ, चेतना ढमढेरे, बाळासाहेब टेमगिरे, सीमा दरेकर, नीलेश मुळे, मनीष मुळे, नितीन मुळे व ग्रामस्थ उपस्थित होते.