टाकळी हाजी, ता. ९ : ‘‘कन्या पूर्वा ही मला मदत करण्याच्या हेतूने सामाजिक काम करीत असून, ती विधानसभा निवडणूक लढविणार नाही,’’ असा खुलासा सहकारमंत्री दिलीप वळसे पाटील यांनी केला.

शिरूर तालुक्यातील गावांना गावभेट दौऱ्यानिमित्ताने वळसे पाटील यांनी म्हसे येथे नागरिकांशी संवाद साधला. त्यावेळी ते बोलत होते. ते म्हणाले, ‘‘मी मतासाठी काम करणारा कार्यकर्ता नाही, तर जनतेला जे गरजेचे व महत्त्वाचे प्रश्न आहे, ते मार्गी लावण्याचे काम आमदारकीच्या ३५ वर्षात केले. ज्येष्ठ नेते शरद पवार आदरस्थानी असून, त्यांच्या बाबतीत नेते व कार्यकर्त्यांनी प्रतिक्रिया व्यक्त करू नये.’’

यावेळी माजी आमदार पोपटराव गावडे यांनी, ‘कुकडीचे पाणी बोगद्याद्वारे पळविण्याचा प्रयत्न सुरू असून, येथील जनता हा प्रयत्न कधीही यशस्वी होऊ देणार नाही, असा इशारा दिला.