ओतूर, ता.१५ : ओतूर (ता.जुन्नर) येथील कृषी उत्पन्न बाजार समितीच्या उपबाजारात रविवारी (ता.१५) कांद्याच्या २२ हजार ९३१ पिशवीची आवक झाली. उच्चप्रतीच्या कांद्यास प्रतिकिलोला ५३ ते ५५ रुपयांपर्यंत बाजारभाव मिळाला.
ओतूर उपबाजारात गुरुवार व रविवारी असे आठवड्यातून दोन दिवस कांदा लिलाव केले जातात.मागील बाजाराच्या तुलनेत ओतूर उपबाजारात या बाजारी चार हजार कांदा पिशवीची आवक घटली असून, बाजारभाव मात्र उच्चप्रतीच्या कांद्याला किलोला दहा ते अकरा रुपयाची वाढ झाली आहे.
ओतूर उपबाजारात गोळा कांद्यास ४७० ते ५३१, सुपर कांदा ४२० ते ४९०, गोल्टी कांदा ३०० ते ४२०, बदला कांदा १५० ते ३५० रुपये असा बाजारभाव मिळाला. तर मागील बाजारी गुरुवारी (ता.१२) एकूण २६९३० कांदा पिशवी आवक झाली असून त्यास प्रतिदहा किलोला गोळा कांदा ४२० ते ४४०, सुपर कांदा ३८० ते ४३०, गोल्टी/ गोल्टा २९० ते ३५०, बदला कांदा २०० ते ३०० असा बाजारभाव मिळाला.