वडापुरी, ता. २ : इंदापूर तालुक्यातील दूध उत्पादक शेतकऱ्यांचा शेतातच यंत्राच्या मदतीने मुरघास बनविण्याकडे कल असल्याचे पाहायला मिळत आहे. खरीप हंगामात पेरणी केलेल्या मका पिकाच्या चाऱ्यासाठी मोठी मागणी वाढली आहे. हे पीक जनावरांच्या चाऱ्यासाठी उपयुक्त आहे.
सध्या उसाचा हंगाम चालू झाल्याने व फळबागांच्या कामाला मजूर गुंतले आहेत. मकवान काढण्यासाठी मजूर मिळत नसल्याने शेतकरी सध्या मशिनद्वारे मुरघास करत आहेत. तीन ते चार तालुक्यातील महिन्यात येणारे मका पीक मजुरांकडून करून घेणे फार जिकिरीचे झाले असल्याने तालुक्यातील शेतकऱ्यांचा मुरघासासाठी मका देण्यासाठीच कल वाढला आहे.
वडापुरी येथील शेतकरी बाळू पवार म्हणाले की, ‘‘मका पीक हे तीन ते चार महिन्यात येणारे पीक आहे. सध्या मका काढण्यासाठी मजूर मिळत नसल्याने दूध उत्पादक शेतकऱ्यांना जनावरांच्या चाऱ्यासाठी मका दिली आहे. ते शेतातच मुरघास करून घेऊन जात असल्याने मजुराला होणारा खर्च वाचला असून, रानही लवकर मोकळे होत आहे.’’
जनावरांच्या चाऱ्यासाठी हिरवेगार मकवान घेऊन ते कुटी करून साठवून ठेवणे उन्हाळ्यात व पावसाळ्यात फायद्याचे ठरते. मुरघास करून ठेवल्याने व रोज खाद्य म्हणून दिल्याने जनावरांच्या दुधात वाढ होते. मुरघासामुळे पेंडीचे प्रमाण कमी होत असून, मका पौष्टिक खाद्य आहे.
- संतोष शिंदे, दूध उत्पादक शेतकरी.
02845
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.