वेल्हे, ता.१५ : मार्गासनी (ता.राजगड) येथील वाणेवाडी येथे वेल्हे-नसरापूर रस्त्यावरून भरधाव टेम्पोंने दुचाकीला धडक दिली. यामुळे झालेल्या अपघातात आकाश दिलीप कोंढाळकर (वय २९, रा. नाटंबी,ता. भोर) याचा जागीच मृत्यू झाला. त्याच्यासोबत असलेला अमोल सोनबा शिंदे (वय २२, रा‌. बालवाडी, ता. भोर) हा गंभीर जखमी झाला.

या प्रकरणी वेल्हे पोलिसांनी टेम्पो चालक अभिषेक रोहिदास गुजर (वय २३, रा. वेल्हे बुद्रुक, ता. राजगड) यास अटक केली आहे. हा अपघात सोमवारी (ता.१४) रोजी दुपारी पावणे दोन वाजण्याच्या सुमारास घडली. मयत आकाश कोंढाळकर व गंभीर जखमी अमोल शिंदे हे दोघे सख्खे मावसभाऊ आहेत. दोघे मोटरसायकलवरून वेल्हे येथून नसरापूर मार्गे आपल्या घरी चालले होते.त्यावेळी सुपर कॅरी टेम्पो (क्र. एम एच १२ व्ही टी ६१०३) ने मोटरसायकलला समोर समोर जोरदार धडक दिली.