वालचंदनगर, ता. ७ ः मानकरवाडी (ता. इंदापूर) येथील ग्रामपंचायतीच्या उपसरपंचपदी भाजपच्या कोमल धर्मेश थोरात यांची बिनविरोध निवड करण्यात आली.
इंदापूर तालुक्यातील २६ ग्रामपंचायतींच्या निवडणुका गेल्या महिन्यामध्ये झाल्या आहेत. मानकरवाडी ग्रामपंचायतीवर भाजप पुरस्कृत पॅनेलने झेंडा फडकवला असून ७ पैकी ५ जागा मिळवल्या होत्या. भाजपचे ज्येष्ठ नेते व माजी मंत्री हर्षवर्धन पाटील यांच्या मार्गदर्शनाखाली नवनिर्वाचित सरपंच व सदस्यांनी कारभार सुरु केला आहे. उपसरपंच पदाची निवडणूक विद्यमान सरंपच महादेव शिर्के यांच्या अध्यक्षतेखाली पार पडली. उपसरपंच पदासाठी कोमल धर्मेश थोरात यांचा एकमेव अर्ज आल्याने त्यांची बिनविरोध निवड जाहीर करण्यात आली. निवडणूक निर्णय अधिकारी म्हणून तानाजी घोळवे यांनी काम पाहिले. ग्रामपंचायत सदस्य अनिकेत मोरे, सागर कणसे, अश्विनी सचिन यादव, पंकज यादव, रेखा शंकर गायकवाड व गौरी राजेंद्र जाधव आदी उपस्थित होते. यावेळी भाजपचे पुणे जिल्हा सचिव तानाजी थोरात, सुनील चव्हाण, सुनील मोरे, संभाजी कणसे, संजीवन मोरे, दिलीप कणसे, हरिदास यादव, दशरथ मोरे, दीपक मोरे, अनिल तुपे, प्रशांत मानकर, विलास कणसे उपस्थित होते.