वालचंदनगर, ता. २८ : निमसाखर (ता.इंदापूर) परिसरामध्ये मंगळवारी (ता.२८) अचानक अवकाळी पावसाने हजेरी लावली. गेल्या तीन -चार दिवसापासून इंदापूर तालुक्यामध्ये ढगाळ वातावरण आहे. अवकाळी पावसाच्या भीतीमुळे शेतकरी धास्तावले आहेत.
अवकाळी पावसाने आज दुपारी तीनच्या सुमारास हजेरी लावली. यामुळे शेतकऱ्यांची मोठी धांदल उडाली. पावसामुळे ऊस तोडणी करणाऱ्या मजुरांनी ऊसतोडणी काही वेळासाठी बंद केली होती. अवकाळी पावसाचा काही शेतकऱ्यांना तोटा होणार आहे. तर पाण्याची गरज असलेल्या ज्वारी, मका सह इतर पिकांना ही पावसाचा फायदा होणार आहे. इंदापूर तालुक्याच्या पश्‍चिम भागातील बोरी, भरणेवाडी, अंथुर्णे, भरणेवाडी, कळस, बिरंगुडी परिसरामध्ये द्राक्ष बागा असून, द्राक्ष उत्पादक शेतकऱ्यांनी पावसाचा धसका घेतला आहे.

03832