वालचंदनगर, ता. २५ : जांब (ता. इंदापूर) येथे नीरा नदीच्या पात्रामध्ये पुराच्या पाण्यामध्ये अडकलेल्या दोघांना वाचविण्यामध्ये वालचंदनगर पोलिस व प्रशासनाला यश आले.
इंदापूर, बारामतीसह फलटण तालुक्यामध्ये सुरु असलेल्या जोरदार पावसामुळे रविवारी (ता. २५) अचानक नीरा नदीच्या पाण्यामध्ये वाढ झाली. अचानक पूर परिस्थिती निर्माण झाली. जांबमध्ये बंधाऱ्याच्या दुरुस्ती काम सुरु होते. त्यासाठी दोन कामगार नदीमध्ये गेले होते. पुराच्या पाण्यामध्ये दोघेजण अडकले. वालचंदनगर पोलिस ठाण्याचे सहायक पोलिस निरीक्षक राजकुमार डुणगे यांच्या मार्गदर्शनाखाली सहायक पोलिस निरीक्षक नागनाथ पाटील, पोलिस उपनिरीक्षक रतिलाल चौधर, अमोल चितकोटे यांच्यासह पोलिस कर्मचारी तातडीने नदीकाठी पोचले. शर्थीचे प्रयत्न करून दोघांना वाचविण्यामध्ये यश आले.
तावशीमध्ये एकाला वाचविण्यासाठी प्रयत्न
तावशी येथे नीरा नदीमधून एक व्यक्ती वाहून आला होता. तो तावशी बंधाऱ्याजवळ एका झाडाला अडकला होता. त्याला पुराच्या पाण्यातून वाचविण्यासाठी वालचंदनगर पोलिस व प्रशासनाची धावपळ सुरु होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.