वाल्हे, ता. २२ : महाराष्ट्र राज्य परीक्षा परिषद यांच्या वतीने घेण्यात आलेली इयत्ता पाचवीची पूर्व उच्च प्राथमिक शिष्यवृत्ती परीक्षा रविवारी (ता. २२) वाल्हे (ता. पुरंदर) येथील महर्षी वाल्मीकी विद्यालय येथे यशस्वीरीत्या पार पडली. या केंद्रावर एकूण ११६ विद्यार्थ्यांपैकी ११३ विद्यार्थी उपस्थित राहिले, तर ३ विद्यार्थी गैरहजर होते. वाल्हे, पिंगोरी, मांडकी, राख आदी भागांतील विद्यार्थी या केंद्रावर परीक्षेस बसले होते. भरारी पथकातील जितेंद्र कुंजीर यांनी केंद्राला भेट देऊन पाहणी केली. केंद्र संचालक सतीश निगडे यांच्या मार्गदर्शनाखाली परीक्षा सुरळीत पार पडली. यावेळी कालिदास पवार, सुदाम गायकवाड, अनिल दुर्गाडे, सुनील ढवळे, शैला गवारी, वैशाली फल्ले, के. आर. लंभाते आदी उपस्थित होते.