‘जीएटी-बी, बीईटी’च्या
शहरांची माहिती जाहीर
--
छत्रपती संभाजीनगर, ता. ९ : राष्ट्रीय परीक्षा संस्थेतर्फे घेण्यात येणाऱ्या ‘ग्रॅज्युएट अ‍ॅप्टिट्यूड टेस्ट-बायोटेक्नॉलॉजी’ (जीएटी-बी) आणि ‘बायोटेक्नॉलॉजी एलिजिबिलिटी टेस्ट’ (बीईटी) २०२६ परीक्षेसाठी परीक्षा शहर वाटपाची आगाऊ माहिती जाहीर करण्यात आली. उमेदवारांना परीक्षा केंद्र असलेल्या शहराची माहिती आठ मेपासून संकेतस्थळावर उपलब्ध करून देण्यात आली.ही परीक्षा १७ मे रोजी देशातील ५४ शहरांमध्ये संगणकाधारित पद्धतीने घेण्यात येणार आहे. उमेदवारांनी अर्ज क्रमांक व संकेतशब्दाच्या माध्यमातून परीक्षा शहर माहितीपत्रक ‘डाऊनलोड’ करावे, असे राष्ट्रीय परीक्षा संस्थेने स्पष्ट केले. हे माहितीपत्रक प्रवेशपत्रिका नसून केवळ परीक्षा केंद्र कोणत्या शहरात असेल याची पूर्वकल्पना देण्यासाठी जारी करण्यात आले आहे.