आळेफाटा, ता. १२ : ‘‘ग्रामीण भागात राहूनही शैक्षणिक क्षेत्रात अभ्यासू व्यक्तिमत्व म्हणून नावलौकिक मिळवलेले आणि सदैव सर्वांच्या मदतीसाठी तत्पर असणाऱ्या जी. के. औटी सरांचे योगदान मोलाचे आणि इतरांना प्रेरणादायी आहे,’’ असे प्रतिपादन खासदार डॉ. अमोल कोल्हे यांनी केले.
राजुरी (ता. जुन्नर) येथील विद्या विकास मंदिर माध्यमिक व उच्च माध्यमिक विद्यालयाचे प्राचार्य जी. के. औटी यांचा सेवानिवृत्त निरोप समारंभप्रसंगी ते बोलत होते. याप्रसंगी माजी आमदार अतुल बेनके, पंकज महाराज गावडे, जिल्हा परिषद सदस्य मंगेश काकडे, माजी सभापती दीपक औटी, स्नेहल शेळके, मोहित ढमाले, जिल्हा दुध संघाचे माजी अध्यक्ष बाळासाहेब खिलारी, तुषार थोरात, गणपतराव फुलवडे, अनंतराव चौगुले, माउली खंडागळे, असिफ महालदार, माउली शेळके, एम. डी. घंगाळे आदी उपस्थित होते. मेघनाथ जाधव यांनी सुत्रसंचालन केले. प्रास्ताविक वल्लभ शेळके यांनी केले. सरपंच प्रिया हाडवळे यांनी आभार मानले.